創立原因

我哋宗旨: 【工欲善其事，必先利其器】，希望每一支樂器都能為用家帶來舒適體驗及利用音樂傳揚快樂。

以前讀中學嗰時，網上面聽到Beyond，Green Day，westlife既歌，覺得好好聽，之後又見好多人由細到大都彈鋼琴，拉小提琴等等，諗左陣就決定不如彈結他啦，又可以隨身拎而且又型。之後去左琴行睇左陣結他價錢，嘩! 最平都接近$1xxx，原來甘貴。心諗: 太貴了，中學生冇咩錢，去到果刻真係想放棄玩音樂。不過好好彩，係屋企人幫助下，買到一支平平地又可以負擔到既木結他，果刻真係好開心，而且一支又平又靚既結他又可以玩好耐。
而家諗番一層，成長經歷入面見到好多人因為價錢問題而放棄玩音樂，感到可惜，甘不如用自身經歷及知識去搵有質素而又平既樂器俾人。一黎對學生黎講可負擔到，二黎又可以發展興趣，三黎又可以隨時拎，方便易上手。